ရင်ခုန်သံချင်းထပ်တူညီနိုင်မယ် ယုံကြည်လို့
သီချင်းတစ်ခုမှာ ငါတို့ အတူတူစီးမျောကြည့်ရအောင်...
အဲဒီသီချင်းထဲမှာတောင်တန်းကြီးတွေအကြောင်းပါမယ်...
ပင်လယ်ပြင်ကြီးအကြောင်းပါမယ်..
တောအုပ်လေးနဲ့ ငှက်ကလေးတွေအကြောင်းပါမယ်
လေပြေလေညှင်းနဲ့ပန်းလေးတွေအကြောင်းပါမယ်....
မိုးကောင်းကင်ကြီးနဲ့ တိမ်ဖြူတွေအကြောင်းပါမယ်.....
ပြီးတော့ မင်းကို အရမ်းချစ်မိပြီဆိုတဲ့စကားကို
ပျား၊ ပိတုန်းတွေမနာလိုတဲ့အထိ ပန်းဘာသာနဲ့ရေးထိုးထားတဲ့
ကျောက်စာတစ်ချပ်အကြောင်းပါမယ်..
အရိုးရှင်းဆုံးရှေးသုံးဘာသာစကားတစ်ခုကို
နင့်အတွက် ကြယ်စာလုံးနဲ့ ငါသီကုံးမယ်.....
နင်ဆိုတဲ့ခေါင်းစဉ်အောက်မှာ
ငါ့ကိုယ်ငါ စာကြောင်းတစ်ကြောင်းအဖြစ်
မှတ်တမ်းတင်ခွင့်ပြုခဲ့ပါ...
ကျေးဇူးပြုပြီးတော့ နိဂုံးနေရာမှာတော့
အမုန်းနဲ့အရှုံးကို ထာဝရပယ်သတ်ခဲ့ပေးပါ...
(စိတ်ကူးထဲမှာပေါ့) လက်တွေ့ကျတော့
ရိုးရိုးရှင်းရှင်းလေးပါပဲ.. ကျွန်တော် ချစ်မိနေပြီ...
No comments:
Post a Comment